Incidenti i ndodhur në fillim të ndeshjes Shqipëri-Francë, ku sistemi i vaditjes në vend të njomte fushën, lagu tifozët që kishin zënë vendet e para në tribunë, ka bërë xhiron e rrjetit edhe në mediat franceze.
Kështu ato kanë ironizuar faktin që tifozët shqiptarë nisën të fishkëllenin gjatë kohës që po luhej himni francez, si shenjë ‘hakmarrje’ ndaj ngatërrimit që iu bë himnit tonë në ndeshjen e parë në Stad de France.
Në artikullin e sport24lefigaro shkruhet se inaugurimi i stadiumit të ri erdhi i shoqëruar së bashku me disa skena qesharake në Shqipëri, pasi tifozët fishkëllyen himnin francez.
Mbrëmje e veçantë ajo e djeshmja në Tiranë, kur në stadium Air Albania të sapo inauguruar, u ndez një atmosferë e mrekullueshme nga 22 mijë tifozë përfshirë këtu 3700 francezë.
Pasi tifozët fishkëllyen himnin francez gjatë kohës që po luhej, më pas patën nderin të laheshin në një dush, i cili nuk ishte i programuar në skenar. Ujitja nisi para se lojtarët të hynin në fushë. Një goditje e vogël kjo në një natë përurimi si ajo, që do të duhet të përfundohet në javët në vazhdim.
Burimi: sport24.lefigaro.fr | Burimi: JOQ Albania
