Në këto momente është duke u luajtur ndeshja Shqipëri-Francë e vlefshme për Eliminatoret e Europianit 2020. Sfida luhet vetëm për statistikë, pasi Franca është e kualifikuar ndërsa Shqipëria nuk ka asnjë shans.
Përveç futbollit, e gjithë vëmendja mbrëmjen e sotme ka shkuar tek stadium i ri, gjë për të cilën qeveria ka propaganduar se është bërë një punë e mirë.
Mirëpo sfida e sotme ka nxjerrë në pah defektet e mëdha të stadiumit. Pas vetëm 45 minutave lojë tapeti i stadiumit është shfaqur i dëmtuar, siç shihet edhe në foton e mëposhtme. Shihet qartë se një pjesë e barit është hequr.Ky dëmtim ka sjellë vështirësi edhe në ritmin e lojës.
Gjithashtu në disa denoncime të mbërritura në redaksinë e JOQ ALBANIA, tualetet e stadiumit kanë mungesë të ujit.
Shumë zhurmë u bë për standartet e larta të stadiumit “Air Albania”, por mesa duket ka qënë vetëm zhurmë, në realitet është për të mbyllur sytë.