Duka ‘bën puçin’ kërkon t’i marrë 1500€ radiove franceze, ndërhyjnë organet e larta: Negociuam 3 ditë!

Në një artikull të fundit të publikuar në gazetën prestigjioze franceze L’Équipe shkruhet se Federata Shqiptare e Futbollit i kërkon 1500 € radiove franceze, kur ky komision nuk duhet të jetë më shumë se 1000 €.

Asnjë radio franceze nuk do jetë prezente në stadium, përpos RTL e cila do të jetë radioja e vetme që do të komentojë ndeshjen Shqipëri-Francë, pronë e grupit M6, partner i skuadrës franceze.

Në artikullin e publikuar nga prestigjiozja franceze shkruhet se ndeshja e bluve me Shqipërinë nuk do të komentohet nga asnjë radio për shkak se nuk u arrit marrëveshja financiare.

Pak ditë më parë, disa stacione radiosh franceze si Radio France, Europe 1, RMC dhe RFI morën një kërkesë financiare nga Federata Shqiptare e Futbollit për të drejtën e transmetimit live të ndeshjes Shqipëri-Francë këtë të diel, ndeshjen e fundit të EURO 2020 ku blutë janë të kualifikuar tashmë.

Zakonisht, radiot paguajnë tarifat e instalimit për linjat në stadium para përdorimit. Drejtuesit shqiptarë donin më shumë dhe kjo u pasqyrua në një e-mail lakonik me 3 rreshta të shkruar nga drejtori i marketingut të FSHF.

FSHF KËRKOI 1500 €

Vincent Rodriguez, drejtuesi i departamentit të sportit të Radio Francë shpjegon:

Praktikisht Federatat anëtare të UEFA nuk paguajnë asgjë. Prandaj u habitëm që na kërkuan me shkrim dhe me gojë shumën prej 1500 € shpenzimesh teknike. Për më shumë, kjo kërkesë nuk u justifikua. EBU specifikon se kjo shumë nuk mund të kalojë vlerën prej 1000 €. Negociuam për 3 ditë dhe nuk morëm një përgjigje të qartë. Federata franceze hyri në lojë për të zhbllokuar situatën, por nuk u arrit një marrëveshje.”

Drejtori i Sports Europe 1 u shpreh:

Jemi të zhgënjyer nga mungesa e dialogut. Jemi të mërzitur, por duhet të qëndrojmë të bashkuar duke treguar se nuk kemi nevojë të paguajmë për të bërë punën tonë."

Në këtë çështje u përfshi edhe UEFA, por pa sukses. Ndeshja do të komentohet nga gazetarët nga Parisi.

Federata Franceze e Futbollit ka të drejtën ligjore të kërkojë përjashtimin e partnerëve të saj nga pagesat.

Burimi: lequipe.fr | Përktheu dhe përshtati: JOQ ALBANIA