Marrëdhënia mes Ramës dhe Veliajt nuk ka mundur të ruajë gjithmonë në sytë e publikut kufijtë e marrëdhënies që i ngjan një ‘fushe që lulëzon’. Prej kohësh qarkullojnë zëra se Veliaj do t’i marrë karrigen e PS-së Ramës, gjë për të cilën edhe ky i fundit në një dalje publike nuk e mbajti dot më veten dhe krisi atë pak farsitet që kishte mbetur nga 'miqësia' e shtirur në sytë e popullit... e pak kohë më parë i bëri Veliajt një kërcënim publik ku u shpreh se një ditë do varej në pemët që mbillte për t'u bërë shembull, ekzaktësisht me fjalët: Veliaj mund të dalë në televizion, mund të mbjellë pemë sa të dojë, por në një pemë do të varet si shembull që në këtë parti grupet armiqësore nuk e kanë të gjatë dhe do të jetë pjesë e një vepre që do të shkruaj dhe do t’ua jap me autograf."
Prej disa kohësh lart e poshtë qarkullonin fjalë për një 'puç' brenda PS, ku kryeautori i stisjes u përfol se ishte Veliaj. Rama e kishte nuhatur këtë gjë dhe me stil ia bëri të qartë në sy të të gjithë popullit të sprapsej. Zërat u sheshuan, miqësia u rregullua dhe gjakrat u ftohën brenda PS, ose të paktën ashtu dukej... kur në daljet publike dyshja Rama-Veliaj nisën sërish të shfaqeshin bashkë më të afërt se kurrë dhe mohuan çdo 'thashethem' që kishte qarkulluar për ftohjen e marrëdhënies së tyre duke pushuar gojët e liga dhe duke bërë paqe publikisht për të mos u bërë qejfin armiqve.
Kur ka krisje midish dyshes së PS është diçka që bie lehtësisht në sy dhe kjo u vu re fare mirë gjatë ditës së sotme. Gjatë një aktiviteti Rilindas të zhvilluar nga Bashkia dhe Minsitria e Bujqësisë, Ramës nuk ia ndjeu shumë për propagandën dhe daljen mirë në kamera e as për gojët e liga dhe e injoroi totalisht. Veliaj i sprapsur duke ia lënë vendin shefit, i qëndronte pas si bodyguard shefit, teksa ky i fundit bisedonte me Çuçin.
'Lali' nuk guxonte t'i afrohej e t'i merrte protagonizmin, por qëndronte disa hapa pas me krahët e kryqëzuar dhe nuk e fshinte dot mërzinë. Rama e la tërësisht në hije protagonistin e kamerave dhe fasadës për arsye që nuk dihen.
Diçka 'po gatuhet' brenda PS dhe mendohet se 'kuzhinieri' është Veliaj...