Stadiumi i ri kombëtar nuk është vetëm një vepër e shitur si madhore për futbollin shqiptar, por edhe një mundësi e artë për të mbushur xhepat për ata që i kanë mundësitë dhe për të gllabëruar miliona.
Sipas një denoncimi të mbërritur në redaksinë e JOQ Albania, rrëfehet se si janë përdorur 10 milionë eurot që UEFA ia akordoi FSHF-së për ndërtimin e stadiumit, e që në fakt janë futur në xhep të Armand Dukës.
Në një kohë që stadiumi në Shkodër kushtoi 17 milionë euro dhe ai në Elbasan 6 milionë euro, ish-Qemal Stafa iu dha kompanisë Albstar për ta ndërtuar, në pamundësi të shtetit shqiptar dhe Federatës.
Albstar garantoi 40 milionë euro për stadiumin e ri dhe në këmbim mori tokën për të ndërtuar një kullë me më shumë se 20 kate, për hotel, restorante dhe zyra. Nuk mbaron me kaq, sepse Albstar ka marrë në pronësi edhe parkingun para stadiumit të ri, por edhe ambiente brenda stadiumit. Kjo është arsyeja pse tribuna qendrore është bërë gjysmake dhe ka ngelur një mur të shëmtuar si fasadë.
Më vonë, krejt papritur, FSHF i kaloi Albstarit edhe 10 milionë euro të marra nga UEFA, duke e çuar në 50 milionë euro koston e stadiumit. Kostoja reale nuk dihet, sepse Albstar i ka përfshirë në kosto për stadiumin edhe ndërtimin e sheshit para stadiumit dhe ndërtimin e parkingut, që në fakt është pronë private e Albstar. Edhe shpenzime shtesë, për ambientet brenda stadiumit që i ka pronë Albstar, janë futur si shpenzime për stadiumin.
Edhe mobilimi i hotelit Marriot futet në bilancin e shpenzimeve për stadiumin.
Si është e mundur që FSHF i jep Albstarit 10 milionë euro, kur Albstar kishte garantuar ndërtimin e stadiumit dhe kishte marrë si shpërblim kullën gjigante dhe jo vetëm? Pse nuk është bërë asnjëherë transparente kostoja e stadiumit dhe pse u deshën milionat shtesë?
E thjeshtë: Ato miliona euro nuk kanë shkuar për stadiumin, por thjesht kanë bërë rrugën e duhur nëpërmjet Albstar për të kaluar në xhepin e drejtuesit të FSHF, Armand Dukës. Kështu edhe UEFA nuk ka arsye për të dyshuar dhe nuk ka çfarë të hetojë, ndërkohë që shteti shqiptar nuk ka as dëshirë dhe as forcë për të hetuar, pasi janë fonde të UEFA-s.
Në një denoncim të mbërritur për JOQ Albania, një burim i brendshëm i FSHF, ka rrëfyer të gjithë skemën ku tregohet se si 10 milionëshi i ka kaluar Albstar, pasi Duka bindi UEFA-n për një kosto të fryrë, kur në fakt nuk ishte e nevojshme dhe Albstar e ka kaluar sërish këtë shumë tek presidenti i FSHF. Kompania kontraktuese për ndërtimin e stadiumit, nuk ka thjesht kullën e famshme mbi stadium, por ka në pronësi edhe parkingun e jashtëm dhe ambiente private brenda, ku përfshihen dyqane dhe lokale.
Me pas fjalë presidenti Duka ka shitur thuajse 75% të stadiumit.
Për të mos u mjaftuar me kaq, ai kërkon t’i kthehet TVSH nga shteti pasi është investim i UEFA, dhe kjo shumë pretendohet se do të përdoret për mirëmbajtjen e stadiumit.
Ajo që është interesante në shkrimin e personit të brendshëm të FSHF është se shkruan, se si do ia dalë Duka t’i justifikoje në bankë, sepse janë para të pista.
Burimi denoncon:
JOQ ALBANIA