JOQ Albania
Home

Në “Astir” kanë zbritur të gjithë, mungon vetëm propaganda e Sandër Lleshaj
Shkruar nga: G Hasani | Publikuar më: 12/11/2019 13:12

  • Share
  • Share
  • Share
  • Share

Banorët e “Astirit” u zgjuan sot në tymin e gazit lotsjellës i cili i mori frymën, pas marrjes së pasurisë së vetme që ata kishin, shtëpisë. Shtëpi të cilat i kanë ndërtuar me gjak dhe djersë e për t’ia lënë trashëgimi fëmijëve të tyre.

Një ‘ushtri’ efektivësh policie zbarkuan që në pesë të mëngjesit në zonën e “Unazes së Re”, ku u pritën nga banorët e patrembur që qëndronin të ngujuar që prej ditës së djeshme.

Situata u tensionua dhe gazi lotsjellës ishte i vetmi që mund të shpërndante komunitetin e mërzitur nga grabitja e pronës. Fëmijë, gra, pleq, plaka dhe burra u dhunuan e u helmuan nga urdhëri i drejtuesit të ministrisë së Brendshme.

Efektivë policie zbatuan urdhërin që ‘propagandisti’ më i ri i Rilindjes e kishte menduar prej ditësh, për t’i dhënë hov një projekti korruptiv të vërtetuar me fakte.

E gjithë zona e “Astirit” ngjante si një territor lufte, ku kundërshtari nuk dihej se kush ishte, por kauza po. Një kauzë për mbijetesë dhe njerëzore që vetë shteti po e sulmonte.

Trafiku u bllokua, por asnjë polic nuk kishte marrë urdhër për normalizimin e tij, pasi synimi ishte terrori mbi banorët që shteti po i kthen në fatkeq.

Pse nuk zbriti në “Unazën e Re” edhe Sandër Lleshaj? Pse nuk përballet edhe ai me zëmërimin e qytetarëve që i vidhet banesa vetëm për të mbushur xhepat e disa oligarkëve që qeveria i ka miq mbi kokë?

Ai nuk zbret sepse nuk bën dot propagandë në atë vend. Nuk shfaqet dot me kokën lart, pasi jo vetëm tymi i gazit lotsjellës e helmon, por e turpëron edhe grabitja e padrejtë e çatisë së qytetarëve që ndoshta edhe e kanë votuar.

JOQ ALBANIA