JOQ Albania
Home

Qeveria Rama shkruan ‘emrin në histori’: Si u përdhos një hero si Qemal Stafa për para
Shkruar nga: S Shtjefni | Publikuar më: 10/11/2019 18:34

  • Share
  • Share
  • Share
  • Share

Ditën e djeshme u dha lajmi se Stadiumi Kombëtar, i cili dikur njihej si Stadiumi “Qemal Stafa‘‘ do të marrë një emër tjetër. Emri që do të mbajë stadiumi është ‘Air Albania‘.

Qemal Stafa është një nga heronjtë që dha jetën për këtë vend. Po ‘’Air Albania’’ a ka lidhje emicionale me shqiptarët? A ka ndonjë histori pas ‘Air Albania’?

Qemal Stafa derdhi gjak që ky vend, timonin e të cilit tani e ka Edi Rama, të ishte i lirë. Dhe ishte një djalë në lule të lirisë kur dha jetën për Shqipërinë.

Emri i Qemal Stafës dëshmon shumë histori nga pas. Po ‘Air Albania’ …të përdhosësh emrin e një heroi për para. Kujtojmë këtu se kompania ajrore do të paguajë 650 mijë euro në vit për të vendosur emrin në stadiumin Kombëtar, ndërsa shitja e të drejtave është bërë për një afat pesëvjeçar.

Kështu, më datën 17 nëntor në ndeshjen kundër Francës, kur edhe do të inaugurohet impianti, stadiumi do të ketë emrin e tij zyrtar.

Thuhet se Qemal Stafa kishte dy rrugë, ose të arratisej ose të vdiste për Shqipërinë dhe ai zgjodhi të jeptë jetën. Më pas u zgjodh që emri i tij të përdhosej sepse tani shiten edhe idealet. Shiten edhe emrat e heronjëve, shitet edhe historia.

Monumentet lihen të rrënohen, disa shemben, pasuritë natyrore jepen me qira. Toka pyjore grabitet për HEC-e edhe lumenjtë, si rasti i lumit Vjosa që u desh të reagonte edhe aktori Leonadro Di Caprio.

E si përfundim mund të thuhet se qeveria Rama e ka arritur qëllimin ta njohë historia. Po po do e njohë si qeveria që përdhosi emrin e heroit Qemal Stafa për para.

Prindërit tanë na kanë rrëfyer si Qemal Stafa dha jetën për Shqipërinë, ndërsa ne do u tregojmë fëmijëve tanë se si qeveria Rama përdhosi historinë.

Dikatori më i egër që njohu Europa ishte Enver Hoxha, para se të vdiste ai tha se njerëzit e këqinj historia nuk i harron.

Gjatë regjimit të tij vepra e At Gjergj Fishtës u ndalua. Dhe historia e tregoi se kush ishte i miri dhe i ligu.

Ndoshta kështu do të ndodh dhe me Qemal Stafën dhe Edi Ramën, i cili zgjodhi t’i hiqte emrin e një heroi nga stadiumi për para…

JOQ ALBANIA