Reja nuk e grumbulloi sërish, reagon Mavraj: Ja pse nuk erdha në kombëtare

Edi Reja ka shpallur sot listën me futbollistët e grumbulluar për ndeshjet ndaj Andorrës dhe Francës të cilat janë të fundit sa iu përket këtyre eleminatoreve.

Në listën e teknikut italian ka surpriza, ndërsa ajo që vihet re është sërish mungesa e kapitenit, Mërgim Mavraj.

Mbrojtësi nuk do të jetë në këto dy përballje pasi vuan nga një dëmtim. Arsyen e mungesës e ka sqaruar vetë Mavraj nëpërmjet një postimi në rrjetet sociale

Ai shkroi:

Një tjetër dëmtim, këtë herë në shpatull, më detyron të mungoj në ndeshjet mbyllëse të edicionit eliminator me Kombëtaren dhe me vjen keq që nuk do të mund të jap kontributin tim dhe të jem mes jush në përurimin e stadiumit të ri kombëtar. Por, si gjithmonë jam tifozi i parë kudo që të jem”.