“Asnjë socialist i mirë nuk e quan fitoren në xhep, as nuk luan me besimin e njerëzve, por lufton çdo ditë për ta fituar atë ditë”,- ishte shprehja me të cilën kryebashkiaku i Tiranës Erion Veliaj e nisi fjalimin e tij ditën e sotme në aktivitetin e PS për prezantimin me kandidatët për delegatë të Kongresit.
Pra për Veliajn, e rëndësishme është të fitojë çdo ditë besimin e qytetarëve të Tiranës, por teksa e dëgjojmë të thotë këtë fjali mjafton të bëjmë një sondazh të thjeshtë se sa të kënaqur janë banorët e kryeqytetit me premtimet e kryebashkiakut...
Nisim këtu nga mungesa e energjisë, mungesa e ujit, rrugët e shkatërruara të cilat kthehen në pishina artificiale me çerek ore shi, udhëtimi me linjat urbane të kryeqytetit ku shtypemi si sardele, higjiena skandaloze e ambienteve publike, vendet e parkimit e shumë tema të tjera të prekshme nga vetë qytetarët sapo hapin sytë në Shqipëri.
Gjykuar nga kjo fjali dhe krahasuar me një ditë të zakonshme në Tiranë ku në paragrafin e mësipërm shpalosëm vetëm disa nga problematikat e çdo qytetari, a e fiton Veliaj besimin ditor të qytetarëve të Tiranës?
Ndër të tjera, në fjalimin e tij ai tha se bisedonte çdo ditë me socialistët se si të bënte 101 nga 100 gjërat që pretendon se ka bërë për Tiranën... E ndër ta, mes tyre përmendi disa prej figurave të njohura të PS.
Ai u shpreh:
Bërja e kopshteve me drekë, do të thotë një tjetër fitore e socialistëve, megjithëse e shesin si një domosdoshmëri dhe vepër të dashurisë së tyre për punën... Kjo do të thotë hapje e një tenderi të ri që me siguri do t’i jepet ndonjë agjencie kateringu të ndonjërës prej grave të oligarkëve të Shqipërisë.
Por jo vetëm kaq... Ish-ministri i Brendshëm Fatmir Xhafaj tashmë i dalë jashtë rradhëve të policisë pasi dha dorëheqjen nga posti, ka nisur të shqetësohet për poçat dhe pusetat që mungojnë në rrugë dhe ia çon me listë Veliajt...
Nëse Xhafaj, që kur mbeti pa post, do e kishte bërë raportimin siç duhet, do kishte vënë re se në shumë zona të Tiranës, të dëshmuara me fakte edhe nga qytetarët, ndriçimi është fjalë që nuk njihet, ose në zona të tjera është prezent edhe gjatë ditës me diell.
Nëse nisim të flasim pastaj për ‘pëllëmbët me asfalt’, Xhafaj dhe Veliaj së bashku duket se kanë shkelur vetëm në perimetrin e pllakave 16 milionë euroshe të Sheshit Skënderbej, pasi rrezja e shikimit siç duket nuk i shkon përtej kësaj zone të kryeqytetit.
JOQ ALBANIA