Pak ditë më parë, babai i një vogëlushi 2-vjeçar bëri një apel në redaksinë e JOQ Albania, ku kërkoi ndihmën e shqiptarëve për djalin e tij.
Arjan Luka tregoi se djali i tij, Dorjani, është dëmtuar gjatë lindjes dhe është prekur nga Sindroma West, e cila është një formë shumë e rrallë e epilepsisë e njohur ndryshe si "spazma infantile".
Ai theksoi se djali i tij nuk mund të flasë e as të qëndrojë dot në këmbë, si dhe as kokën e tij nuk mund ta mbajë dot.
Babai i vogëlushit do ta nisë drejt Francës për trajtim mjekësor të birin, për shkak se në spitalet e Shqipërisë nuk ka pasur asnjë përmirësim.
Mirëpo vetëm për ta futur në spital, i kanë kërkuar 10 mijë euro, por familja e tij nuk ka mundësi t’i përballojë këto shpenzime.
Mbrëmjen e sotme, Arjani ka apeluar sërish në redaksinë e JOQ Albania, ku shprehet se nevojiten edhe 3 mijë euro që të plotësohet shuma që i kanë kërkuar në spitalin e Lionit, për ta shtruar vogëlushin 2-vjeçar.
Ai kërkon dhe njëherë ndihmën e shqiptarëve, teksa thekson se shëndeti i djalit po përkeqësohet nga dita në ditë.
Babai i Dorjanit të vogël,ka dërguar edhe dokumentin nga spitali, ku shihet se djali i tij është diagnostifikuar me Sindromën West.
Arjani ka lënë numrin e tij të telefonit, ku mund të kontaktojë ata që kanë mundësi për ta ndihmuar djalin e tij të shërohet dhe të jetojë një jetë normale si gjithë bashkëmoshatarët e tij.
Apeli i plotë: