JOQ Albania
Home

Shkencëtarët bëjnë zbulimin e madh, kjo është ‘shtëpia’ stërgjyshore të gjitha qenieve njerëzore
Shkruar nga: E Prifti | Publikuar më: 29/10/2019 13:02

  • Share
  • Share
  • Share
  • Share

Shkencëtarët besojnë se besojnë se ata kanë gjetur prova se qeniet njerëzore janë të gjithë një familje e madhe dhe se kemi një shtëpi të përbashkët stërgjyshore për ta vërtetuar.

Një studim i ri shkencor ka përcaktuar një zonë në jug të lumit Zambesi në Botswana si shtëpia e të gjithë njerëzve modernë.

Studiuesit besojnë se stërgjyshërit tanë u vendosën afër atij që dikur ishte një liqen shumë i madh, i quajtur Liqeni Makgadikgadi, rreth 200,000 vjet më parë.

Njerëzit e hershëm modernë u vendosën atje për rreth 70,000 vjet, përpara se ndryshimet në reshje të çonin në korridore pjellore që hapeshin përtej tokave të luginës.

Zona ku ndodhej ky liqen tashmë është një vend i thatë me toka të pasura me kripë.

Sipas këtij studimi, i cili është botuar në Nature, popullsia e izoluar filloi të shpërndahet në tre valë migracioni që ndodhën  rreth 110,000 deri në 130,000 vjet më parë.

Kjo lëvizje e madhe thuhet të jetë e para që filloi migrimin njerëzor jashtë kontinentit të Afrikës dhe , më pas rreth gjithë globit.

Prej kohësh tashmë dihej se njeriu modern ( nga ana anatomike) është shfaqur në Afrikë rreth 200,000 vite më parë. Ajo që nuk dihej deri më tani ishte vendndodhja e saktë ku ‘lulëzuan’ paraardhësit tanë.

Burimi:UNILAD|Përktheu dhe përshtati:JOQ Albania