Dëgjon zërin e nënës për herë të parë, reagimi i vogëlushes do ju përlotë

Një baba krenar ka publikuar në rrjet një video që tregon momentin e çmuar kur vajza e tij e vogël dëgjon për herë të parë.

Tristan Storer, nga Mollerin, Australi, shpërndau në llogarinë e tij në Twitter momentin kur Macy-t iu vu aparati i dëgjimit dhe ajo nisi të dëgjonte tinguj për herë të parë.

Në pamjet e publikuara duket Macy e vogël e cila rri ulur në një karrige ndërsa mjekët i vendosin me radhë pajisjet në vesh.

Teksa i vihet pajisja e parë ajo vazhdon të ndjekë me habi zërat që i dëgjonte për herë të parë. Në momentin që i vihet pajisja e dytë, habia e saj vazhdon të shtohet derisa në një moment nuk mban dot më as lotët.

Në sfond dëgjohet nëna e vogëlushes që i thotë ‘çkemi zemër na dëgjon?’.

Bashkë me videon, babai i saj shkruante:

Sot vajza ime më e vogël dëgjoi zëra për herë të parë. Nuk gjej dot fjalë për t’i falënderuar mjaftueshëm skuadrën e dëgjimit në Australi të cilët na kanë udhëhequr drejt këtij udhëtimi muajin e fundit. #oneprouddad#hearingaids."

Burimi:UNILAD|Përktheu dhe përshtati:JOQ Albania