YouTuber-at po shtohen dita ditës dhe jo pa arsye pasi në këtë platformë kanë gjetur mënyrën për të bërë para.
Kësaj radhë ata janë mbledhur për një kauzë të mirë.
Një grup prej tyre kanë nisur një fushatë për të mbledhur 20,000,000 dollarë, para me të cilat planifikojnë që mbledhin 20 milionë pemë.
Kjo fushatë po udhëhiqet nga zoti Beast, i cili quhet Jimmy Donaldson dhe u frymëzua nga ndjekësit e tij kur ata nisën që t’i kërkonin që të mbillte 20 milionë pemë si mënyrë për të festuar faktin që u bë me 20 milionë abonues në maj.
Kështu, Donaldson ka bashkuar forcat me Mark Rober, Rhett & Link, Marshmello, AsapScience, Jeffree Star, Simone Giertz and The Try Guys për ta bërë të mundur këtë kauzë.
Fushata e cila mban hashtagun #TeamTrees ka mbledhur bashkë rreth 650 milionë abonues kështu që shanset që ata të bëjnë një impakt të madh nuk janë të vogla.
Zoti Beast e nisi fushatën me një video shpjeguese ku tregonte qëllimin e nismës, por pas dy ditëve, me ndihmën e shumë vullnetarëve, ata arritën të mbillnin vetëm 1,700 të tilla.
Në këtë pikë, 21-vjeçari u ka kërkuar ndjekësve të tij që të dhurojnë nga një dollarë për fondacionin Arbor Day, dhe ata do të mbjellin një pemë për çdo dollar të dhuruar.
Burimi:LAD BIBLE|Përktheu dhe përshtati:JOQ Albania
