Apeli rrëqethës i 8-vjeçares: Shoqes së varfër i jap bukën time, ndihmojeni!

Ndonjëherë fëmijët bëjnë disa veprime që shumë të rriturve as u shkojnë ndërmend.

Për shembull 8-vjeçarja Amina në Fier, i është drejtuar emisionit “Shqiptarët për Shqiptarët” duke u kërkuar që të bëjnë diçka për një shoqen e saj të shkollës.

Amina e vogël thotë:

Mua më quajnë Amina, jam tetë vjeçe, kam tre vite në këtë shkollë, ka ardhur një nxënëse e re në shkollë. Nuk e dija që Namikja ishte e varfër, dukej si pa qejf dhe se mësuesja i ka dhënë bukë me vete.."

Më tej vajza thotë se babai i jep lekë për shkollë por ajo nuk ia kthen dhe kur dalin në pushim të gjatë i përdor për t'i blerë ushqim shoqes së saj që nuk ka mundësi ekonomike.

8-vjeçarja tregon më tej:

Ajo mund të ketë vështirësi se është e rraskapitur, nuk ha bukë. Babi na jep lekë nuk ia kthej kursimet, kur më pyet i them se kam një shoqe në klasë që nuk ka mundësi, nuk ka para, në pushim të gjatë unë i kam blerë ushqim në pushim të gjatë. I kam dhënë gjithmonë ushqimin tim, gjithmonë i kam dhënë bukën time në pushim të gjatë, jemi miqësuar shumë."

Duke këruar ndihmë për shoqen e saj, vogëlushja thotë se për Namiken ka blerë ushqime dhe ia kanë dërguar në shtëpi. Amina kërkon që 'shqiptarët ta ndihmojnë pak nga pak, se i vjen keq për shoqen e saj dhe do që ta ndihmojë."