Një peshkop u ka kërkuar shkollave katolike në Irlandë që të mos u mësojnë më fëmijëve joga pasi kjo lloj praktike nuk ecën me besim e krishterë.
Peshkopi Alphonsus Cullinan u tha shkollave se praktikat si joga nuk na lejojnë që t'ia hapim zemrën Zotit.
Në vend të kësaj, ai i këshilloi shkollat që të inkorporojnë 'lutje' të krishtera që sipas tij janë një lloj meditimi i bazuar tek Krishti.
Duke vënë në dukje që tetori është muaji i rruazave, Peshkopi e inkurajoi stafin që të 'luten me rruazat në dorë dhe t'i ndihmojnë fëmijët që të 'kalojnë' më shumë kohë me adhurimin e Jezusit në vend që të meditojë.
Peshkopi ia dërgoi letrën stafit të shkollës në dioqezën e tij në Waterford dhe Lismore, në Irlandën e Jugut, më 10 tetor.
Ai gjithashtu iu referua asaj që ka thënë Papa Françesku në vitin 2015: Praktika si joga nuk janë të pranueshme nëse duam t'ia hapim zemrën Zotit."
Peshkopi Cullinan njihet për deklaratat që kanë nxitur debat. Vitin e kaluar, ai u përball me dënime nga anëtarët e Parlamentit irlandez pasi tregoi planet që kishte për të krijuar një "ministri të dorëzimit" të përbërë nga ekzorcistë për t'u marrë me 'shpirtrat e këqij'.
Burimi:Metro|Përktheu dhe përshtati:JOQ Albania
