Pas shumë të rinjve të larguar për shkak të mungesës së shpresës në Shqipëri, të vetmit që shohim më shpesh rrugëve të vendit tonë janë të moshuarit. Të kapur prej krahu me njëri-tjetrin dhe të mbledhur bashkë duke kuvenduar për historitë e tyre ata shfaqin panoramën më të mirë të Shqipërisë aktuale.
Megjithatë duhet përmendur që edhe ata jetojnë në kushte shumë të vështira. Pensionet e ulëta dhe emigrimi i fëmijëve duke i ‘braktisur’ ata në hallin e tyre janë një plagë që vetëm ata e dinë sa dhemb.
Përveçse të harruar prej hallit të fëmijëve, të moshuarit neglizhohen edhe nga shteti. Prej kohësh ata nuk shohin një rritje pensioni apo dhe shërbime që i përkasin moshës së tyre.
Të ndodhur mes këtyre problemesh, nevoja i shtyn të gjejnë mënyra të tjera për mbijetesë. Një foto e trishtë ka mbërritur në redaksinë e JOQ ALBANIA, mesazhi i të cilës të prek drejt e në zemër. Një i moshuar, shihet teksa ul shpinën e tij të mplakur për të marrë disa domate të hedhura poshtë makinës. Domatet nuk janë fort të mira dhe shihet teksa i moshuari zgjedh disa perj tyre të cilat i kanë mbijetuar kalbjes.
Krahas sëmundjeve që i kanosen prej moshës së thyer, i moshuari do të përballet edhe me bakteret të cilat i merr për shkak të mungesës së të hollave. Fotoja është bërë në tregun e shumicës në Korçë, dhe na tregon situatën aktuale të gjendjes ekonomike të të moshuarve në veçanti dhe gjithë shqiptarëve në tërësi.
Qytetari i cili ka dërguar foton shkruan: