JOQ Albania
Home

Standardi i dyfishtë/ “Na foli çik shefit”, policia tërhiqet dhe e le të lirë shoferin e makinës
Shkruar nga: V Gashi | Publikuar më: 20/10/2019 21:12

  • Share
  • Share
  • Share
  • Share

Prej kohësh, Ministria e Brendshme dhe Policia e Shtetit trumpetojnë me të madhe në media dhe rrjetet sociale, se të gjithë qytetarët, përfshirë dhe "të fortit" trajtohen në mënyrë të barabartë para ligjit.

Megjithatë, denoncimet e qytetarëve dëshmojnë të kundërtën dhe tregojnë se për të ashtuquajturit "të fortët", nuk zbatohen ligjet ashtu si ndaj  qytetarëve të thjeshtë.

Së fundmi, ky standard i dyfishtë nga policia është denoncuar nga një qytetar nga Pogradeci, i cili ka dërguar në redaksinë e JOQ Albania një video ku tregohet se çfarë ndodh kur një punonjës i Policisë Rrugore tenton të gjobitë një drejtues mjeti që ka mik "shefin e madh".

Sipas denoncuesit, drejtuesi i mjetit u ndalua nga policia, por në momentin që do të gjobitej, ai mori dikë në telefon dhe ia kaloi një prej efektivëve.

Më pas ndodhi ajo që pritej, policia nuk i vendosi gjobën shoferit dhe e la të lirë.

Me të drejtë, qytetari ngre një pyetje të sinqertë: A ekziston kjo fjali "na foli çik shefit më të madh"?

Video është filmuar dy ditë më parë në qytetin e Pogradecit.

Mesazhi i plotë:

Prsh joq! A egziston akoma kjo fjali "na foli cik shefit ma t madh"? Kjo video shte bere pardje ne pogradec. Policia e ndaloi dhe do I vendoste gjobe. Ai shoferi mori dike ne telefon edhe ja kaloi policit pastaj policia e la te lire. Flm"

Kjo video tregon qartë se si punonjësit e thjeshtë të policisë detyrohen të zbatojnë urdhrat e shefave, edhe kur ato bien ndesh me ligjin.