JOQ Albania
Home

Prindërit e tij janë mposhtur nga sëmundjet dhe varfëria, apeli rrëqethës i 8-vjeçarit, Julian Skermo: Ju lutem na ndihmoni!
Shkruar nga: V Gashi | Publikuar më: 18/10/2019 23:13

  • Share
  • Share
  • Share
  • Share

Pak ditë më parë, një histori tepër e dhimbshme mbërriti në redaksinë e JOQ Albania, ku varfëria ekstreme dhe sëmundjet "mbretëronin" në një familje në fshatin Poloskë të Devollit.

Familja Skermo, e cila përbëhet nga kryefamiljari Bledari, bashkëshortja e tij, Enkeleida dhe djali i tyre i vogël 8-vjeçar, Juliani, jeton mes skamjes dhe sëmundjeve.

Dy bashkëshortët, Bledari dhe Enkeleida përballen edhe me probleme të rënda shëndetësore, të cilat i kanë bërë të dorëzohen përballë fatit të tyre, pasi nuk kanë mundësi të punojnë.

Enkelejda Skerma është 38 vjeç, dhe sëmundja po e tret çdo ditë e më shumë. Ishte vetëm një virozë e stinës që i dha shqetësime në organizëm pa e ditur se kjo do e linte me pasoja përjetë. Mjekimi i pakujdesshëm dhe i gabuar i shkaktuan asaj një bakter të rëndë në stomak duke e lënë në shtrat për shumë kohë. Por jo vetëm kaq, kjo gjendje e rënduar shëndetësore i ka shkaktuar edhe probleme të shumta psikologjike.

Ndërsa Bledari, i cili dikur punonte në shtetin grek dhe siguronte të ardhura për të mbajtur familjen, vuan nga hernia diskale, e cila i ka paralizuar çdo qelizë. Doktorët ia kanë ndaluar të lëvizë, pasi në të kundërt fijet nervore të qafës mund të këputen dhe t’i shkaktojnë vdekjen.

Bledari iu drejtua redaksisë së JOQ Albania pak ditë më parë, ku bëri një apel rrëqethës, teksa shprehej se ss’mund të sigurojnë dot as bukën e gojës, ndërkohë që kanë nevojë edhe për ilaçet, të cilat nuk mund t’i blejnë dot.

Pengu më i madh i çiftit Skermo është Juliani, djali 8-vjeçar, i cili është traumatizuar nga kjo gjendje e mjerueshme me të cilën familja e tij po përballet, që zor se gjen dot fjalë për ta përshkruar.

Mbrëmjen e sotme, nëna e Julianit, Enkeleida, ka bërë një tjetër apel prekës drejtuar shqiptarëve përmes redaksisë së JOQ Albania. Ajo tregon se mbahen me vetëm 30 mijë lekë ndihmë ekonomike, e cila nuk ju del për asgjë, pasi vetëm ilaçet ju kushtojnë 270 mijë lekë në muaj.

Me zemrën e një nëne, ajo iu përgjërohet të gjithë shqiptarëve që ta ndihmojnë familjen e saj me sa kanë mundësi, pasi mjerimi dhe skamja e tyre është e papërshkrueshme.

Enkeleida ka dërguar dhe një video, ku Juliani i vogël, me pafajësinë e një ëngjëlli, lutet për ndihmë, në një apel i cili të prek thellë zemrën dhe të rrëqeth shpirtin.

"Ju lutem na ndihmoni", thotë 8-vjeçari, që ndodhet përkrah prindërve të tij. Ndërsa Bledari, me zërin që i dridhet, iu drejtohet sërish me dorën në zemër shqiptarëve për ndihmë.

Të gjithë bashkë të ndihmojmë Julianin, Bledin, dhe Enkeledën. Shpresa e tyre janë shqiptarët!

Apeli i plotë:

Mirmbrema dhe pershendetje.Jam nena e nje femije 8vjecar nga fshati Poloske i Devollit.Si un dhe bashkeshorti jemi te semur fizik dhe psiqik,nuk munemi me u aktivizu ne kurgje.Mbahemi ne ket jet vetem me 30mij lek nim ekonomike,nderkoh qe mjekimet tona kushtojn 270mij lek ne mujKurona qe te dy vec smunjesh te tj nga psikiatri,dhe ashtu si ju e kuptoni kena dhe frikn e femijes mos po na peson depresion a dicka te till,sepse ne nuk kena munsi me blejt ilacet.Me falni nqs nuk po munem me gjet fjalt e dume per te kuptuar situaten ton,por vetem nje gje du me ju trasmetoj,jena ne gjenje shoku,nuk kena copn e buks that dhe as munsin per mjekimin ton,pranaj do i lutesha njerzve mbar kush ka mundi me kontribu dicka per ne dhe femijn ton.Ju lutemi.Jam tju dergu dhe pamje te shifni gjenjen ton. Ju lutemi na nimoni se po vdesim,skena asgje per perditshmerin ton dhe te fmijs. Ju lutem publikoni videon ju pergjerohem sepse nuk kam buk per femijn. Kemi shume nevoje per ndihmen e gjith shqiptareve.Ju pergjerohem me zemren e nje nene te semur. Po ju flet zemra e nje nene enje femije te Vogel qe me rri te koka Nate e dite. Publikoheni,ju lutem."

Për të gjithë ata që duan të kontribuojnë financiarisht për të ndihmuar familjen Skermo:

1. Llogari në lek: 403000511

IBAN LEK nr: AL6320543525000511CLIDCLALLE

SWIFT: NCBAALTX

2-Llogari në EURO: 403000511

IBAN EURO nr: AL4520543525000511CLIDCFEURZ

SWIFT: NCBAALTX