Nuk kanë qenë të pakta rastet e aksidenteve të këmbësoreve në rrugët brenda dhe jashte qyteteve për shkak të mosrespektimit të sinjalistikës rrugore, si nga këmbësoret ashtu edhe nga drejtuesit e automjeteve.
Sipas inxhinierit të transportit, Fisnik Ziçishti, në rrjetin rrugor shqiptar janë të paktën 9 pika të zeza të identifikuara si nyjet ku është regjistruar numri më i lartë i aksidenteve me vdekje.
Ai shprehet se:
Një pjesë e rrugëve janë rregulluar por prapë kemi pika të zeza në të cilat duhen urgjent ndërhyrja e organeve kompetente. Pikat e zeza janë të disata në vendin tonë në të gjithë territorin e vendit. Do veçoj autostradën Tiranë- Durrës, dhe pikërisht duke filluar segmenti rrugor nga Vora në drejtim të Durrësit, që është në tërësi një pikë e zezë, rrethrrotullimin e TEG-ut, rrugën nga Kamza deri në Fushë Krujë dhe nga Miloti deri Lezhë, ku ka shumë aksidente të regjistruara, duke filluar nga Durrësi kemi unazën e Durrësit, kemi aksin rrugor Rrogozhinë-Lushnje, kryqëzimi i pushimit të shoferit, kryqëzimi i Maliqit. Kemi edhe kryqëzimin e Plasës që lidh Devollin me Korçën që kërkohet ndërhyrje urgjente. Daljet në rrugë janë ato që kërkojnë ndërhyrje urgjente. Problematika është për tre faktorë; faktori njeri, automjet dhe rrugë. Ka edhe kryqëzime të shumta që dalin në mbikalime, konkretisht sapo kalon Sukthin që nga rruga dytësore ka dalje në autostrada, drejtuesit e mjetit nuk mbajnë distancën mes njëri-tjetrit, ecin me shpejtesi. Sot që flasim kemi 10 -15 aksidente në ditë, për fatin e mirë jo të gjitha me kode të zinj, me vdekje në vendngjarje, por po i shohim që na ndodhin."