Në daljen publike në konferencën për gazetarët, tejet i tensionuar u pa kryeministri Edi Rama dhe këtë gjë e transmetonte mjaft mirë çehrja që i kishte rënë dhe mimikat e fytyrës që bënte pas çdo përgjigjeje që jepte.
Pasi ‘ngelëm në klasë’ dhe na u mohua çelja e negociatave për t’u integruar në BE, kryeministri shqiptar nisi të fajësonte të gjithë komponentët e huaj dhe në asnjë mënyrë nuk bëri një reflektim mbi punën që ishte bërë gjatë këtyre viteve qeverisje për ta merituar përgjigjen pozitive.
I sigurt në vetvete dhe mjaft i bindur për fjalët që thoshte, ai u shpreh se Shqipëria i kishte bërë të gjitha kohë më parë, por BE e kishte ndarë mendjen të mos zgjerohej.
Rikujtojmë këtu se dy vite më parë në deklarata publike Rilindasit i kishin bërë të hapura me kohë negociatat, ose mbase nuk ia dinin kuptimin e vërtetë fjalëve që shqiptonin.
Fotot: LSA