“Kur do futemi në BE?”/ Edi Rama: Kur mjekra ime të bëhet më e gjatë se flokët e tua

Kryeministri Edi Rama jo vetëm që nuk mori mbi vete përgjegjësinë për mos hapjen e negociatave të Shqipërisë me BE por i habiti të gjithë duke ua hedhur fajin për dështimin krerëve të Bashkimit Evropian, të cilët nuk e kuptojnë sa duket situatën në vendin tonë.

Gjatë konferencës për shtyp, Rama është venë jo pak në siklet nga një gazetare e cila e pyeti se edhe për sa kohë qytetarët shqiptarë duket të presin për të parë Shqipërinë në BE.

Sigurisht që kjo pyetje i ka djegur jo pak kryeministrit dhe sigurisht që nuk ka dhënë një përgjigje të drejtpërdrejtë por i ka rënë rrotull.

Ai u shpreh:

Në kohën kur unë kam dalë në rrugë për të kërkuar Shqipërinë si gjithë Evropa i kisha të gjitha flokët dhe kam përshtypjen se nëse do t’ia lërë mjekrës ta dëshmojë mund të bëhet më e gjatë se flokët e tua. Përtej kësaj, ky është një rrugëtim dhe Shqipëria është shumë më evropiane që kurse ke lindur ti."

Si një tjetër justifikim, Rama përdori edhe të shkuarën e largët të vendit tonë.

Ai tha:

Ne nuk jemi as Hungaria, as Polonia, as Çekia. Kemi pasur dy ndërprerje të mëdha, njëra mbi 500 vjet, e dyta mbi 50 vjet. Kjo është e treta e vërteta. Një gjë është e sigurt që ti do të votosh për Parlamentin Evropian në Shqipëri. Se kur ende nuk e di, por kjo është e sigurt. Me siguri këtë e di Nard Ndoka por kur të bëni konferencë shtypi me opozitën, kërkojani si do të jetë Bashkimi Evropian."

Rama foli edhe për shengenin Ballkanik. Ai tha se nuk ka akoma një marrëveshje të nënshkruar, por që sipas tij është në diskutim dhe pritet pjesëmarrja e vendeve të tjera të Ballkanit Perëndimor.