Dështoi në hapjen e negociatave/ Rama qorton presidentin francez: Macron duhet të bëjë më shumë

Pas dështimit të hapjes së negociatave për integrimin e Shqipërisë në BE, kryeministri Edi Rama u shpreh para gazetarëve se nuk e kuptonte frazën “S’keni bërë mjaftueshëm”.

Pasi si fillim ia atribuoi fajin problemeve të brendshme që kishin mes tyre vendet e BE, u kthye nga Franca, për të cilën tha se Franca kërkonte reformim dhe jo zgjerim të BE, duke lënë kështu të nënkuptohej se Shqipëria ishte e tepërt.

Me sa duket Ramës nuk i del inati me presidentin francez Emanuel Macron, të cilin nuk e la pa përmendur as në konferencën për shtyp para gazetarëve dhe i bëri një qortim duke u shprehur: Së pari Macron duhet të bëjë më shumë!

Deklarata e plotë e Ramës:

Së pari Macron duhet të bëjë më shumë. Edhe ai vetë e thotë. Të gjithë duhet të bëjnë më shumë. Ne bënë gjithçka që të gjithë të thonin po. Bishtat që shtohen nuk janë korrekte. Qëndrimi i presidentit ishte konceptual. Edhe kundërshtia e tij ndaj disa vendeve. Asnjëherë Gjermania nuk e ka dashur ndarjen. Debati i madh që është bërë është prodhuar nga 6 muaj historira këtu. Kancelarja vuri veton: Ndarje kurrë! Predikimi që MV e ka pësuar nga Shqipëria është i lodhur nga ata që e sakatuan këtë proces. Shqipëria ka shumë për të bërë. Nuk diskutohet kjo. A i ka bërë Shqipëria të gjitha ato që duhet të bënte? I kemi bërë më para.”