E turpshme/ Refuzoi të ndihmonte vogëlushin e burgosur në Siri, Rama mbron ambasadorin shqiptar në Turqi

Kryeministri Edi Rama ka dalë në një konferencë për shtyp ku po mundohet që të “justifikohet” dhe të japë arsyet se pse BE nuk na dha dritën jeshile për hapjen e negociatave.

Kryeministri komentoi edhe rastin e vogëlushit shqiptar Alvin Berisha që ndodhet në një kamp të burgosurish në veri lindje të Sirisë që kontrollohet nga forcat kurde. Ky rast u bë publik nga emisioni investigativ “Le Iene”

Rama u shpreh së nuk e ka parë emisioni por sipas tij kjo nuk ka të bëjë aspak me ambasadorin shqiptar në Turqi.

Ai shprehet:

Për fat të keq emisioni drithërues sipas të gjithë përshtypjeve të marrë, nuk e kam ndjekur ka lënë të kuptohet se çështja e djalit të mitur është çështje vullneti nga ana e ambasadorit tonë në Turqi, kjo është e pavërtetë. Prej disa kohësh unë kam nxjerr një urdhër, një material të klasifikuar, për shkak të sensibilitetit në lidhje me personat, që gjenden në atë territor, si pasojë e përfshirjes së burrave në një luftë për të tjerë në funksion të organizatës terroriste kriminale të ISIS."

Ambasadori shqiptar në Turqi, Gent Gazheli, pasi premtoi se do të ndihmonte emisionin për marrjen e fëmijës disa ditë më vonë nuk denjoi të hapte as telefonin.

Një sjellje aspak profesionale e tij por me sa duket as kjo nuk i mjafton Ramës që të marrë masa ndaj tij. Deri tani nuk e ka shprehur por mbase, kryeministri mendon se edhe mediat italiane janë “Kazan” siç quan ai mediat në Shqipëri.