Harrojini linjat luksoze të Singaporit dhe Dubait – avioni më i fundit Boeing 747, një mjet fluturues privat që vlen 200 milionë dollarë duket si një pallat fluturues me maksimumin e luksit.
Avioni i përket përket familjes mbretërore të Katarit.
Blogeri i aviacionit, Sam Chui, ishte ftuar për të realizuar një fluturim ekskluziv në këtë avion përrallor, ku ai ishte udhëtari i vetëm. Në përfundim e përshkroi si fluturimin më të mirë që ka bërë deri tani për këtë vit.
Dy prej seksioneve me ndenjëse kanë karrige gjigante te rehatshme, ndërsa në dhomën e ngrënies mund të konsumosh ushqim pa e kuptuar fare se po fluturon disa kilometra mbi tokë.
Avioni është ndërtuar fillimisht në vitin 1979 dhe është përdorur nga kompania amerikane Pan Am deri sa iu shit familjes mbretërore të Katarit në vitin 1995. Në vitin 2004 iu nënshtrua rimodelimit të parë, ndërsa ndryshime të tjera iu bënë në vitin 2018.