Nëpër rrugët e Culiacán-it në Meksiko ka pasur të shtëna me armë e trazira pasi u përhapën fjalët se autoritetet kanë kapur djalin e 'El Chapo-s' Ovidio Guzmán López.
Shtëpia e kartelit Sinaloa, Culiacán-i u përfshi nga zhurmat që bënin të shtënat ndërsa burra të maskuar, me mitrolozë në duar, hipën në pjesët e pasme të makinave, dhe nisën të hapnin zjarr drejt forcave meksikane të sigurisë.
Ndërkohë, ne media dhe në rrjet janë shpërndarë video të ndryshme që tregojnë burra të armatosur që u vinin flakën automjeteve në disa rrugë të qytetit.
Ovidio dhe vëllai i tij Joaquin janë shpallur të fajshëm për trafik droge në shkurt.
Vëllezërit u akuzuan se kishin komplotuar për shpërndarjen e kokainës, dhe lëndëve të tjera narkotike nga Meksika në Shtetet e Bashkuara, dhe pjesë të tjera të botës, mes viteve 2008 dhe 2018. Dyshja ishin të arratisur në atë kohë dhe besohej se fshiheshin në Meksikë.
Pasi babai i tij u dënua me burgim të përjetshëm, Ovidio u përpoq të merrte kontrollin e kartelit të Sinaloa-s, por u përball me sulm nga bashkëthemeluesi i saj Ismael ‘El Mayo’ Zambada, i cili besohet se donte ta drejtonte vetë.
Sipas sekretarit të Sigurimit meksikan Alfonso Durazo, Ovidio u arrestua të enjten nga Garda Kombëtare e Meksikës dhe trupat e ushtrisë, të cilët bastisën një shtëpi në Culiacán ku ai po qëndronte.
Tashmë autoritet në Meksikë kanë vendosur që ta lirojnë Joaquin-in për 'të mbrojtur jetë' pasi anëtarët e kartelit e kthyen vendin në një zonë lufte.
Burimi:UNILAD|Përktheu dhe përshtati:JOQ Albania