Një 26 vjeçar u dënua me 15 burg në Oklahoma, Shtetet e Bashkuara të Amerikës, pasi u kap me lëndë të bardhë të paketuar, e cila rezultoi të ishte kokainë. Cody Gregg mori dënimin nga gjykata por disa ditë më parë ai u shpall i pafajshëm.
Pas testeve të shumta rezultoi se lënda në formë pluhuri të bardhë, e paketuar, nuk ishte kokainë, sikurse ishte menduar, por rezultoi qumësht pluhur. I riu u arrestua dhe dënua në muajin gusht dhe u la i lirë disa ditë më parë.
Cody Gregg u arrestua më 12 gusht pasi një oficer policie e ndaloi për shkak se nuk kishte drita të pasme në biçikletën e tij. Oficeri i kontrolloi çantën e shpinës dhe gjeti një kuti kafe që përmbante një sasi të madhe pluhuri të bardhë.
Substanca doli pozitive për kokainë dhe Gregg u akuzua për trafik droge. 26-vjeçari u deklarua fajtor për posedim kokaine me qëllim shpërndarjen dhe u dënua me 15 vite burg. Por disa ditë më pas gjykata tërhoqi dënimin pasi një test në laborator arriti në përfundimin se substanca e dyshuar për kokainë ishte në të vërtetë qumësht pluhur.
Ai u la i lirë të premten.
***
Burim: CNN|Përktheu dhe përshtati: JOQ Albani