Të gjithë e dimë se sa të lezetshme mund të jenë disa kafshë kur janë të vogla, por pastaj rriten dhe transformohen krejtësisht.
57-vjeçari Nigel Graham, i bleu një derrkuc të vogël si dhuratë për ditëlindje bashkëshortes së tij Sam e cila është alergjike ndaj maceve dhe qenve.
Kur e blenë, zotëria në dyqanin e kafshëve u tha se është derr në 'miniaturë' dhe se nuk do të shkonte më shumë se 31 kg. Derrkuci i vogël u bë pjesë e familjes në vitin 2014.
Por, derri u rrit më shumë seç ishte parashikuar. Grace (kështu quhet) tashmë peshon rreth 180 kg. Për ta ushqyer duhen 20 paund në jave dhe ka marrë 'nën kontroll' gjithë katin e poshtëm të familjes pasi nuk i pëlqen të rrijë jashtë.
Për t'u përshtatur me përmasat e tij të mëdha, familjes iu desh që të bënte goxha ndryshime në shtëpi. Për respekt të kafshës së tyre shtëpiake, tashmë Nigel dhe Sam nuk hanë më mish derri.
Si shumë prej nesh në ndonjë ditë specifike, Grace nuk ka qejf të dalë jashtë, preferon më shumë të rrijë në shtëpi me familjen e saj duke parë TV.
Burimi:Metro|Përktheu dhe përshtati:JOQ Albania