Dalin pamjet/ Ky është pronari të cilit i shpërthyen “Benzin”, qytetari: Ndihemi të rrezikuar

Një makinë shpërtheu vetëm pak minuta më parë në Tiranë. Ngjarja ndodhi në rrugën ‘Siri Kodra’, ku një mjet tip Benz ka shpërthyer në flakë.

Shpërthimi ka ndodhur ngjitur me ‘Frigoriferin’ dhe mendohet të jetë shkaktuar nga një lëndë plasëse që i është vënë automjetit. Fatmirësisht nga shpërthimi nuk ka pasur të lënduar edhe pse ngjarja ndodhi kur pronari i mjetit ishte brenda dhe sapo kishte ndezur makinën. Mësohet se pronari i mjetit është Artion Bylyku.

Një qytetar shkruan për redaksinë e JOQ ALBANIA se pronari ka shpëtuar, por ai shprehet i shqetësuar se po i rrezikohet jeta të pafajshëmve. Pronari kishte vetëm 5 ditë që kishte ardhur në atë zonë me atë makinë. Sipas fotos që ka dërguar qytetari, pronari i “Benzit” është shëndoshë e mirë.

Qytetari tregon:

Personi ketu pronari qe plas i lenda eksplozive Makine luksoze mbi 100 mij euro po na rezikojne jetën. Jam i lagjes dhe kjo makine ka 5 ditë qe ka ardhur. Si duket e ka pasur paralajmërim. Me kte makine binte ne sy ne lagje."

Ndërkohë, shpërthimi ka shkaktuar panik te qytetarët, pasi zhurma ka qenë e madhe.

Njoftimi zyrtar i policisë:

Rreth orës 07:45 në rrugën “Ramazan Bogdani” në automjetin në pronësi të shtetasit A. B dyshohet të ketë shpërthyer një sasi e dyshuar lëndë plasëse.

Si pasojë e shpërthimit nuk ka dëme në njerëz, por vetëm disa dëme materiale.

Grupi hetimor ndodhet në vendngjarje, ku po vijon punën për sqarimin e rrethanave të ngjarjes.