JOQ Albania
Home

Vendi ku prehen fisnikët e kohës së faraonëve, arkeologët zbulojnë 20 arkivolë të lashtë në Egjipt
Shkruar nga: E Prifti | Publikuar më: 17/10/2019 15:19

  • Share
  • Share
  • Share
  • Share

Një grup arkeologësh, që po gërmonin në Egjipt, kanë zbuluar 20 arkivolë të lashtë prej druri afër qytetit të Luxor-it.

Arkivolet me model të ndërlikuar u zbuluan në Asasif; një varrezë e lashtë e vendosur në bregun perëndimor të lumit Nil. Këta arkivolë që janë nxjerrë nga toka kanë qenë të mbyllur dhe ruajtur mirë dhe janë të pajisur me mbishkrime të paprekura.

Disa prej tyre madje e kanë ruajtur edhe ngjyrën e ndritshme që kanë pasur kur janë krijuar fillimisht.

Sarkofagët u zbuluan në dy shtresa të një varri të madh, ku edhe ishin vendosur me kujdes njëri sipër tjetrit.

Në një njoftim për shtyp, Ministria e Antikiteteve në Egjipt e përshëndeti punën e arkeologëve si zbulimin më të madh dhe më të rëndësishme që është bërë deri më tani.

Ministria vinte në dukje numrin e madh të arkivolëve si dhe gjendjen e tyre të mirë.

Sipas CNN, në këtë varrezë prehen fisnikë dhe zyrtarë të kohës së faraonëve dhe për këtë arsye ky sit ka një rëndësi të madhe arkeologjike.

Burimi:UNILAD|Përktheu dhe përshtati:JOQ Albania