Së fundmi një grup grabitësish me bazë në Madrid të Spanjës, ishin duke bërë kërdinë me vjedhje të njëpasnjëshme, ku kryesisht viktima binin shtëpitë e futbollistëve të Realit ose Atletikos së Madridit.
Së fundmi, nga Spanja raportohet se kjo bandë është kapur dhe në pranga kanë rënë katër persona, si anëtarë të bandës, mes tyre edhe një shqiptar.
Sipas policisë, shqiptari, pjesë e bandës së grabitësve është me incialet M.Z, i cili ishte në akuzë për vjedhjen e dhunshme në banesën e aktorit të njohur José Luis Moreno, në vitin 2007.
Policia po heton lidhur me sendet e gjetura nga grabitjet, për të vlerësuar më saktë bilancin e grabitjeve.