JOQ Albania
Home

Reja “ngre në qiell” lojtarin e kombëtares: Habitem si nuk e ka parë Italia
Shkruar nga: K Demiraj | Publikuar më: 16/10/2019 21:25

  • Share
  • Share
  • Share
  • Share

Kombëtarja shqiptare po kalon një moment të mirë dhe kjo padyshim është falë punës të shkëlqyer që po bën trajneri, Edi Reja.

Italiani ka ndërtuar një ekip mjaft cilësor dhe tashmë do rinovojë kontratën me FSHF-në për të vazhduar akoma më tej në stolin kuqezi.

Së fundmi, ai ka folurnë një intervistë të gjatë për “Radio Sportiva” në Itali, në lidhje me aventurën e tij në krye të Shqipërisë dhe në veçanti për ndeshjet e tetorit.

Reja komentoi lojtarët e rinj që po marrin rolin e liderit në Kombëtare, teksa u shpreh i habitur si italianët nuk e kishin vënë re Marash Kumbullën.

Ai tha:

Duhet të ndryshoja shumë, duke afruar shumë të rinj. Kam aktivizuar edhe Kumbullën e Veronës. Në të ardhmen mund të bëhet një ekip i mirë, edhe pse fatkeqësisht na iku mundësia për t’u kualifikuar në Europian. Kumbulla ka zgjedhur Shqipërinë, pasi është i lidhur me vendin e tij. Ka luajtur me të gjitha moshat e Shqipërisë dhe prindërit ishin për ta parë. Çuditem si Italia nuk ia kishte hedhur sytë këtij mbrojtësi. Ata edhe ndoshta e kanë kërkuar, por tashmë ai ka zgjedhur."