Kombëtarja shqiptare është duke kaluar një moment fantastik. Padyshim që protagonisti kryesor i këtij momenti është tekniku, Edi Reja, i cili ka ndërtuar një ekip mjaft cilësor.
Mbrëmjen e djeshme, pas fitores 0-4 ndaj moldavisë, ai ka mbajtur një fjalim në dhomat e zhveshjes para lojtarëve duke treguar qartë se ai punon edhe emocionalisht me futbollistët e tij.
Reja tha:
Keni arritur ta ktheni këtë grup në fitues. Kemi bërë lojëra të mira dhe të bukura, prandaj ju përgëzoj për punën e bërë. Merita është e gjitha e juaja. Unë nuk kam nevojë të marr merita sepse kam një karrierë 35-vjeçare. Po të fitonim në Turqi, do të ishim kualifikuar në Evropian, dreqi e mori. Kemi humbur edhe në Islandë një pikë që e meritonim. Kemi luajtur mirë me ekipet e mëdha. Turqisë i treguam se kush jemi. Kemi vlera si ekip dhe zemër të madhe".
