JOQ Albania
Home

Reja: Kemi ndërtuar një skuadër të vërtetë, jemi të mrekullueshëm
Shkruar nga: K Demiraj | Publikuar më: 14/10/2019 23:21

  • Share
  • Share
  • Share
  • Share

Padyshim që protagonisti kryesor i këtyre lojave të bukura që po zhvilllon kombëtarja shqiptare, është Edi Reja. Tekniku italian ka ndërtuar një super ekip dhe kjo duket qartë. Reja duk i kënaqur pas fitores 0-4 në transfertë ndaj Moldavisë dhe pas ndeshjes vlerësoi djemtë për paraqitje. Gjithashtu, ai shtoi se bashkë me lojtarët dhe stafin, po krijon një grup shumë të bukur në Kombëtare.

A ishte kjo fitore një konfirmim i rritjes së cilësisë së kësaj skuadre?

U treguam të zotë sot. Ishte një nga ato ndeshjet që e quaj të vështirë, sepse duhet përqendrim i lartë, edhe pse kundërshtari ishte modest. Është e vështirë, edhe nga ana e motivimit. Kur ishim 3-0, e menaxhuam mirë.

Debutimi i Trashit me gol…

Bëmë një paraqitje të mirë si skuadër. Trashi, përtej golit, bëri një paraqitje të mirë. Goli është një sforco kolektive. Sot gabuan ata, dhe shfrytëzuam nga gabimi i portierit. Më pëlqen që po formojmë një grup kolektiv të fortë. Bëmë një pjesë të dytë të mirë, menaxhuam rezultatin. Ndërkohë, në pjesën e parë ishim aty, dhe bëmë gjithçka mirë. Shtoj, edhe Kumbullën dhe Selahin, janë djem të rinj që luajnë titullarë në skuadrat e tyre. Jam i kënaqur për ata, që bënë debutimin. Më vjen keq për djemtë e tjerë që nuk arritën të luanin. Por, më vjen mirë që ky grup është i bashkuar, dhe do vijojë kështu.

Fitore historike, 4 gola në transfertë, dhe hera e parë që shënojnmë 3 në pjesën e parë…

Kemi ndërtuar një skuadër të vërtetë, përtej rezultateve dhe asaj që u pa në fushën e lojës. Kemi një staf të mrekullueshëm, me Bulkun dhe Salihin. Kemi edhe analistin e ndeshjeve, kemi një grup që bashkëpunon dhe kështu vijnë rezultatet pozitive.