Kombëtarja e Kosovës ka zhvilluar një tjetër ndeshje të shkëlqyer mbrëmjen e sotme.
Dardanët mposhtën me rezultatin e pastër 2-0 Malin e Zi në stadiumin "Fadil Vokrri" të Prishtinës, në ndeshjen e vlefshme për Grupin A të Eleminatoreve të Euro 2020.
Kosovarët dominuan plotësisht malazezët si në rezultat, ashtu dhe në lojë e statistika, duke
Armir Rrahmani kaloi në epërsi Kombëtaren Kosovare që në minutën e 10-të të ndeshjes, teksa dërgoi topin në rrjetë, pas një krosimi nga goditja e këndit.
Goli i dytë u shënua nga Vedat Muriqi pas një aksioi të befasishëm të kosovarëve, duke gjetur të papërgatitur mbrotjen malazeze, në minutën e 34-të të pjesës së parë.
Pjesa e dytë e sfidës nuk pati gola, por mundësitë për të shënuar nuk kanë munguar.
Megjithatë, këto tre pikë janë mjaft të vlefshme për Kosovën, e cila pozicionohet në vendin e tretë me 11 pikë të grumbulluara në 6 ndeshje, një më pak se Çekia e vendit të dytë.
Grupi A kryesohet nga Anglia me 15 pikë, e cila mbrëmjen e sotme shkatërroi Bullgarinë me rezultatin 6-0.
Kosova dhe Çekia do të luajnë "finalen" mes tyre më 14 nëntor të këtij viti, në ndeshjen e cila do të jetë vendimtare për të dyja skuadrat për t'u kualifikuar në Euro 2020.