Gjetja e berberëve, fito një qethje falas duke luajtur FIFA

Nuk janë të paktë personat që mendojnë se janë të pathyeshëm në FIFA. Por ama sa prej jush e kanë menduar më parë që të luajnë një lojë, ku fituesi merr një qethje falas?

Një berber në Nottingham ka bërë në gjetje mjaft interesante pasi ka vënë në dispozicion të klientëve mundësinë për ta marrë një preje flokësh falas.

Nëse dikush arrin që të fitoje në FIFA 20, atëherë nuk do paguajë asnjë qindarkë, por ama nëse humbet, është i detyruar që të paguajë dyfishin e çmimit.

Pronari Connor Storer, thotë se kjo gjetje nuk është aspak keq pasi deri më tani i ka ecur mirë.

Ai shprehet:

Unë nuk mund të them sa herë jam detyruar që të pres flokët e klientëve falas, por mund të them se me një supozim të përafërt, deri më tani kam fituar 20-25 herë dhe kam humbur vetëm në 10-15 ndeshje.”

Connor thekson se vendosi të bëjë një zgjedhje të tillë pasi e pëlqen shumë FIFA-n. Pra me një gur vret dy zogj, edhe luan FIFA, edhe merr dyfishin e parave, në rastet kur fiton sigurisht.

Burimi:LAD BIBLE|Përktheu dhe përshtati:JOQ Albania