"Rilindja" në këto vite të qeverisjes është kujdesur për fasadat në qendrat e qyteteve por situata në zonat larg këtyre qendrave është 'ku thërret qameti'.
Ka lagje ku mungon infrastruktura për ujin e pijshëm e të mos flasim më pastaj për rrugë të asfaltuara.
Një banor nga Durrësi ka treguar për JOQ Albania sesi në zonën ku ai banon rruga ka mbetur për gjysmë 'për mungesë fondesh'.
Gjendja e 'mjeruar' e një rruge në Shkozet të Durrësit tregon, siç thotë edhe vetë qytetari, investimet 'cilësore' që ka bërë kjo qeveri dhe ish kryebshkiaku Vangjush Dako.
Në pamjet e dërguara pranë redaksisë së JOQ Albania duket rruga e një lagjeje e cila është pjesërisht me baltë e gropa e pjesërisht me asfalt pas ndërprerjes së punimeve. Kjo pjesë është shtruar pas 30 vitesh, por si duket ka mbetur në tentativë pasi "pjesa e munguar e investimeve shkrihet si akullore në duart e Vangjush Dakos."
Veç rrugës, qytetari përmend edhe kanalin që ndodhet aty pranë, që sipas tij, është shkaku kryesor i sëmundjeve në atë zonë.
Mesazhi i plotë i qytetarit: