Flet një nga viktimat e dhunës seksuale në Kosovë: Ndaj dhimbjen e shpirtit, s’është e lehtë

Një nga viktimat e dhunës seksuale gjatë luftës në Kosovë i është drejtuar Prokurorisë Speciale në mënyrë demostrative ku ka dorëzuar një padi. Ajo është Shyhrete Tahiri Sylejmani.

Përmes veprimit të saj gruaja nga Kosova ka thënë se do të inkurajojë gjithë ato gra e femra që vuajnë si ajo pasojat e përdhunimeve të luftës. Më tej ajo ka falënderuar të gjithë ata që e kanë përkrahur.

Sipas saj, nuk është e lehtë të ndash këtë dhimbje të shpirtit. Gruaja shton se kërkon drejtësinë e saj.

Ajo u shpreh mes lotëve:

Jam këtu të ndaj me ju dhimbjen që kam në shpirt dhe dua t’u jap kurajë atyre që vuajnë si unë. Nuk është e lehtë aspak të ndash atë dhimbje të shpirtit që thyen zemrat e s’bëhen më kurrë bashkë. Jam këtu të kërkoj drejtësinë time”.

Ndërkohë Drejtoresha e Qendrës Kosovare për Rehabilitimin e të Mbijetuarve të Torturës (QKRMT-KRCT), Feride Rushiti, tha se asnjë person nuk është ndëshkuar deri më tani për krime lufte.

Më tej ajo ka ftuar të gjithë viktimat që të kërkojnë drejtësi.