Helmimi i zyrtarëve të Kosovës, Vuçiç: Shpikin tregime për zarfe helmuese

Presidenti i Serbisë, Aleksandër Vuçiç ka reaguar në lidhje me helmimin e disa prej zyrtarëve të Kosovës, të cilët kanë pësuar helmime pasi kanë nisur numërimin e disa prej zarfeve të ardhura nga Serbia, sa i takon zgjedhjeve të fundit në Kosovë.

Ai ka “shtrënguar” dhëmbët kundrejt shtetit të Kosovës dhe në vend që të tregohej bashkëpunues për të hedhur dritë ndaj kësaj situate, është shprehur se çdo përpjekje për të “shfuqizuar” Listën Serbe mund të ketë pasoja katastrofale për marrëdhëniet midis serbëve dhe shqiptarëve.

Vuçiç tha se Lista Serbe mori 96 për qind të votave të serbëve të Kosovës në zgjedhje. Ai akuzoi shqiptarët se kishin shpikur “disa tregime për zarfe helmuese me vota nga Serbia”, sipas REL.

Presidenti serb u shpreh:

Tashmë ata nuk janë më të sigurt nëse janë helmuar. Ata nuk dinë çfarë të shpikin, por konstatojnë se Lista Serbe duhet të shfuqizohet. Kjo, do të ketë pasoja katastrofale për marrëdhëniet midis serbëve dhe shqiptarëve sepse serbët nuk do të jenë më në institucione. Dhe kur serbët nuk janë në institucione, ju e dini si do të duhet të mbrojnë lirinë dhe vatrën e tyre”.

Presidenti serb nuk e ka cituar asnjë përfaqësues të autoriteteve të Kosovës kur ka folur për mundësinë e “shfuqizimit” të Listës Serbe.