Komisioni i Venecias ka publikuar të hënën raportin zyrtar për çështjen e dekretit të presidentit Meta lidhur me zgjedhjet lokale të 30 qershorit.
Në opinionin e “Venecias” thuhet se Metës i duhej bazë ligjore për të anuluar zgjedhjet e 30 qershorit.
Ne këtë raport zyrtar, thuhet nder te tjera:
Në përgjigje të kërkesës për një mendim nga Kryetari i Kuvendit të Shqipërisë, Komisioni i Venecias arrin në përfundimin se, në mungesë të një dispozite ligjore për këtë çështje, Presidenti mund të anulojë zgjedhjet vetëm për organet e qeverisjes vendore në situata që plotësojnë kriteret për marrjen e masave emergjente. Edhe atëherë Presidentit i duhet një bazë specifike – ad hoc – e ligjshme për të shtyrë zgjedhjet.
Do të jetë ne doren e Kuvendit dhe në fund të Gjykatës Kushtetuese të përcaktojnë nëse anulimi, ne rastin konkret shtyrja e zgjedhjeve lokale është një shkelje e Kushtetutës nga ana e Presidentit dhe nëse shkelja është e një karakteri serioz, i cili do të lejonte një fajësim të Presidentit.
Edhe sikur të vërtetohej serioziteti i shkeljeve, kjo nuk do të duhej domosdoshmërisht të çojë në një fajësim të Presidentit, duke pasur parasysh fuqinë e seancës plenare të Kuvendit për t’u kujdesur për qëllimet kushtetuese, siç janë kontrollet dhe ekuilibrat”.
Ndërkohë, i menjëhershëm ka qenë edhe reagimi i presidentit Meta.
Në deklaratë shkruhej:
14 tetor 2019
Presidenti i Republikës Sh.T.Z Ilir Meta vlerëson se Opinioni përfundimtar i Komisionit të Venecias konfirmoi të gjitha qëndrimet e Presidentit të Republikës.
Si asnjëherë tjetër, Opinioni përfundimtar pësoi ndryshime thelbësore nga projekti paraprak.
Ndër konkluzionet kryesore u evidentua se:
Presidenti i Republikës shpreh keqardhjen që gjatë katër muajve u shpërdoruan energji që do të duhet të ishin në shërbim të integrimit europian të Shqipërisë dhe vendimit të shumëpritur për çeljen e negociatave të anëtarësimit në BE.
