Një burrë i moshës 50-vjeçare ka rënë në prangat e policisë ditën e sotme, pas një kontrolli të befasishëm të bërë në lokalin që ai kishte në administrim. Zyrtarisht policia bën me dije se i arrestuari është identifilkuar me inicialet I.P.
50-vjeçari është me precedentë të mëparshëm kriminal në fushën e krimeve ndaj personit. I lindur në Shkodër dhe banues në Tiranë, ai ka qenëi dënuar më parë për veprën penale “Vrasja me dashje” kryer në bashkëpunim.
Tiranë Finalizohet operacioni policor i koduar "Mbishkrimi", për goditjen e shpërndarjes së drogave të forta në doza të vogla në lokale nate dhe përshtatjen e tyre për prostitucion.
Sipas policisë, për këtë shtetas dispononohej informacion se në rrugën Industriale, në autostradën Tiranë – Durrës përshtaste lokalin e tij për përdorim e shpërndarje lënde narkotike kokainë dhe për prostitucion.
Nga kontrolli i kryer është konstatuar se 50-vjeçari ishte duke fjetur në automjetin e tij në afërsi të lokalit. Gjithashtu, gjatë kontrollit në lokalin në administrim të tij, iu gjetën dhe sekuestruan në cilësinë e provës materiale doza me lëndë të dyshuar kokainë, një pjatë porcelani me mbetje të lëndës natkotike, një DVR, një letër me mbishkrim dhe një aparat celular.
Në lokal është gjendur edhe shtetasja R. C., e punësuar si balerinë në këtë ambient, e cila u akomodua në një qëndër pritëse për viktimat e trafikimit.
Materialet procedurale do t’i kalojnë Prokurorisë pranë Gjykatës së Shkallës së Parë Tiranë, për veprime të mëtejshme hetimore, për veprat penale “Prodhimi dhe shitja e lëndëve narkotike ”, “Përshtatja e lokalit për përdorim droge” dhe “Shfrytëzim prostitucioni” në ngarkim të shetasit I. P.