Ditën e sotme ka nisur viti akademik 2019-2020 dhe mësohet se në shumë fakultete ka pasur një numër të ulët studentësh dhe për pasojë disa dëgë janë mbyllur.
Ky vit akademik nisi sot me një protestë të mbajtur para ministrisë së Arsimit nga një grup studentësh.
Ndonëse ishin pak studentë kërkesat e tyre vazhdonin të ishin ato të Dhjetorit të kaluar, nga arsimi falas deri tek përmirësimi i kushteve të konviktit.
Po ashtu ata janë shprehur se ndryshimi i ri në Kodin Penal për të dënuar me burg bllokimin e rrugëve, studentët u shprehën se kjo nuk i tremb fare dhe se do të vazhdojnë të protestojnë për këto të drejta minimale.
Studentët vendosën në kangjëllat e ministrisë së Arsimit një çarçaf në të cilin shkruhej “Nuk mbulohet ligji me pakt”, duke kërkuar kështu edhe rrëzimin e ligjit për arsimin e lartë.
Protesta është ndërmarrë nga Lëvizja për Universitet dhe pritet që të vazhdojë edhe në ditët në vazhdim.