JOQ Albania
Home

Masakër mjedisore në lumin Shkumbin, qytetari ngre alarmin: Po hidhen mbetjet kromi, rrezikohet zhdukja e specieve
Shkruar nga: V Gashi | Publikuar më: 13/10/2019 18:46

  • Share
  • Share
  • Share
  • Share

Lumenjtë janë një nga pasuritë më të mëdha që natyra i ka falur një vendi.

Ndonëse bota i ruan me fanatizëm pasuritë natyrore, në Shqipëri mesa duket ndodh e kundërta, ndonëse ka një numër të madh lumenjsh që rrjedhin në territorin tonë.

Së fundmi një qytetar ka dërguar një video në redaksinë e JOQ Albania, ku shihet masakra mjedisore e rradhës që po ndodh në vendin tonë, e shkaktuar si gjithmonë nga "faktori njeri", i cili është kthyer në armikun më të madh të natyrës përmes veprimtarisë së tij shkatërrimtare.

Bëhet fjalë për lumin Shkumbin, uji i të cilit ka marrë një ngjyrë të pazakontë për shkak të lavazhit të kromit dhe mbetjeve që hidhen në të.

Denoncuesi ngre alarmin duke u shprehur se kjo situatë ka shkaktuar ngordhjen e specieve që jetojnë në ujërat e këtij lumi, gjë e cila mund të rrezikojë jo vetëm qeniet e gjalla që jetojnë aty, por edhe njerëzit që i konsumojnë, pasi mund të zbuloheshin edhe mbetje radioaktive.

Sipas qytetarit, procesi i larjes së kromit kryhet në ish-ndërtesat e përpunimit të drurit, pranë stacionit të trenit në Librazhd, dhe i gjithë uji që lan kromin bashkë me mbetjet derdhen në lumë.

Mesazhi i plotë:

Kjo ngjyre e ujit te lumit nuk eshte e zakonshme per lumin Shkumbin po vjen si pasoje e lavazhit te kromit dhe ndikimi I ketyre mbetjeve po jep rezultatet ne ngordhjen e specieve te lumit nje analize e tyre me mije % do te zbulonte dhe mbetje radioactive gje qe do ishte katastrofe per qenjet e lumit dhe per njerezit qe perdorin ato. Lavazhi kryhet ne ish ndertesat e perpunim drurit matane stac. trenit Librazhd tek kthesa rruges per Toges dhe gjithe uji qe lan kromin bashke me mbetje derdhet ne lume.Besoj se inf eshte I mjaftueshem verifikojeni. Ju lutem anonim