JOQ Albania
Home

The Chedi, resorti me 5 yje në Malin e Zi që ju sjell parajsën në Tokë
Shkruar nga: F Tenolli | Publikuar më: 13/10/2019 14:46

  • Share
  • Share
  • Share
  • Share

Një ndër zonat më pak të eksploruara në Malin e zi nga shqiptarët, është gadishulli Lustica. Me keqardhje ju themi se keni humbur shumë, por pas leximit të këtij shkrimi, me siguri do të bëni gati valixhet për disa ditë relaksi në fshatin më të ri turistik në këtë zonë, i pozicionuar në një gji shumë privat në bregun e Adriatikut.

Rezidenca private, restorante, dyqane të shumta, port jahtesh e hoteli më elegant me 5 yje, tashmë janë të aksesueshme në këtë zonë.

Hoteli është pjesë e markës ndërkombëtare Chedi, dhe i dyti në Evropë pas atij në Andermatt, Zvicër.

Në fakt, The Chedi Lustica Bay nuk është thjesht një hotel, por një kompleks i tërë, me 111 dhoma dhe apartamente, 2 bare e restorante, qendër SPA, pishinë të jashtme e të brendshme, palestër, plazh privat, qendër përkujdesjeje dhe joga.

The Chedi Lustica Bay ka një ndërtim elegant, të pakohë, që në çdo epokë, do të dukej perfekt. Jo më kot dhe një ndër sloganet e tij është: “Aty ku tradita përqafon modernen”.

Kujdesi ndaj detajeve nuk shihet vetëm tek mirëmbajtja perfekte, stili dhe pastërtia, por edhe tek ndjesia që të krijon çdo cep i këtij hoteli. Arredimi kontemporan është në përputhje perfekte me natyrën e jashtme dhe detin e kristaltë.

Por, çfarë e bën kaq të veçantë këtë hotel?

-Stafi i mrekullueshëm e i përgatitur për ta bërë qëndrimin dhe eksperiencën tuaj sa më mbresëlënëse.

-Larmishmëri në kuzhinën e restoranteve, duke theksuar restorantin e jashtëm The Spot i cili ka një përzgjedhje të rafinuar të kuzhinës aziatike.

-Pozicioni më i mirë i mundshëm gjeografik. Shumë pranë Shqipërisë e Kroacisë, si dhe vetëm 12 km larg nga aeroporti i Tivatit.

-Qetësia dhe ekskluziviteti i gjirit në të cilin ndodhet hoteli, nuk gjendet askund tjetër. Asnjë zhurmë nga turmat e turistëve kuriozë apo trafiku i krijuar nga makinat (Makina nuk përdoret në këtë zonë).

Këto, e shumë më tepër e bëjnë The Chedi Lustica Bay hotelin më të mirë luksoz me 5 yje në Malin e Zi, dhe vendosin një standard të ri përsa i përket hotelerisë dhe mikpritjes globale në zonën e Ballkanit.