Për momentin Astiri është shndërruar në një nga zonat më të nxehta të vendit tonë pasi nga njëra anë kemi banorët që nuk heqin dorë nga shtëpitë e tyre, ndërkohë që nga ana tjetër kemi institucionet shtetërore që janë të vendosura që t’i shkojnë deri në fund projektit që prek disa nga shtëpitë dhe bizneset e zonës.
Jo vetën banorë por edhe aktivistë të ndryshëm janë bërë pjesë e kësaj proteste.
Sazan Guri është një prej tyre. Por me sa duket tensionet këto ditë janë shtuar aq shumë sa ky i fundit thotë se është kërcënuar me jetë.
Ai thotë se është paralajmëruar në mënyrë jozyrtare nga ana e Policisë së Tiranës, që të heqë dorë nga kjo kauzë, ndryshe do ta pësojë. Në një postim në rrjetet sociale ai tregon se ishte në mëdyshje, të tregonte apo mos të tregonte.
Guri tregon se, në sy të gruas së tij, Drejtori i Policisë së Tiranës i ka dërguar fjalë që të mos përzihet më në protestën e banorëve të Astirit.
Ai shprehet:
Ky kërcënim ndaj aktivistit vjen pasi policia ka ndërmarrë disa aksione në ditët e fundit ndaj banorëve që dalin çdo pasdite dhe bllokojnë rrugët në shenjë proteste për të mbrojtur shtëpitë dhe bizneset e tyre.
Deri më tani policia ka arrestuar 6 banorë të kësaj zone që akuzohen se kanë bllokuar rrugën. Tashmë një veprim i tillë, konsiderohet një vepër penale dhe dënohet deri në 5 vite burg.