Arkitekti i Bashkisë së qytetit të Vlorës, Klaudio Mehmetaj, është dhunuar nga një biznesmen i qytetit. Ngjarja ka ndodhur mbrëmjen e djeshme.
Personi që ka dhunuar Mehmetajn është identifikuar si Erion Canaj, biznesmen dhe emër i njohur në qytetin bregdetar. Paraprakisht mësohet se biznesmeni kishte pasur një konflikt për çështje pronësie, ku është përfshirë edhe arkitekti Mehmetaj.
Sipas njoftimit të policisë, biznesmeni ka rënë në pranga dhe është shoqëruar në polici për të mësuar më shumë në lidhje me këtë ngjarje.
Kujtojmë se dhunimi i arkitetktit vjen vetëm dy ditë pasi persona ende të paidentifikuar i kanë vënë zjarrin automjetit tip Range Rover të kryetarit të bashkisë së Vlorës, Dritan Lelit. Me sa duket, ndryshime të mëdha po e prekin administratën e qytetit bregdetar kohët e fundit, përfshirë edhe emërimet e dorëheqjet e shumta në numër, të bëra sëfundmi, në kadastrën e qytetit.
Lajmërimi zyrtar i policisë:
