Klubi serb i Cërvena Zvezdës është kthyer mbrapsht ditën e sotme në pikën kufitare të Jarinjës pasi kërkonte të futej në territorin e Kosovës për të zhvilluar ndeshjen e Kupës së Serbisë, ndaj skuadrës serbe të Trepçes në Mitrovicë.
Mirëpo, policia e Kosovës nuk e ka lejuar autobusin e skuadrës së Cërvenas të cilët ishin të shoqëruar edhe nga një grup tifozësh.
Pasi e kishin të pamundur të kalonin pikën kufitare, autobusi me futbollistët dhe tifozët është kthyer pas nga policia kosovare.
Tifozët, nga ana e tyre nuk i kanë kursyer thirrjet provokative të prapambetura ku pretendojnë se Kosova është tokë serbe.
Pas këtij incidenti ka reaguar edhe klubi serb, i cili thekson se kishte ardhur për të luajtur futboll dhe jo për të shkaktuar incidente.
