Stefano Pioli është prezantuar sot para mediave si trajneri i ri i Milanit. Ai do të zëvendësojë Marko Xhampolon e shkarkuar dhe synimi i tij është të nxjerrë Milanin nga kriza.
Ish-tekniku i Interit, gjatë prezantimit është shprehur se e ka marrë me entuziasëm këtë aventurë dhe se simpatia për Interin i përket të kaluarës.
Ai u shpreh:
Jam entuziast për këtë aventurë. Më kontaktoi një nga klubet më prestigjioze në botë. Jam i bindur që mund të bëj një punë të shkëlqyer, së bashku me drejtuesit që besuan te unë. Kam respekt për tifozët dhe ata kanë të drejtë të kritikojnë.
Kritikat në rrjetet sociale? Nuk i përdor rrjetet sociale, nëse gjeni një profil me emrin tim, nuk jam unë. Preferoj që njerëzit të më kritikojnë në sy. Unë interist? E kaluara është e kaluar, unë jam një profesionist, me dëshirën e madhe për të bërë mirë. Gjykimet mi jepni në fushë, jo se si kam qenë unë si fëmijë.
Objektivat? Ne do të luftojmë për të arritur objektivat e klubit. Vështirësitë janë të mëdha, por duhet të përballemi me to dhe ti kalojmë. Ne duhet të punojmë shumë, pasi kemi nevojë për intensitet dhe cilësi. Ndihem si mësues, kemi shumë lojtarë të mirë dhe duhet t’i përmirësojmë ata. Duhet t’i fitojmë tifozët. Duhet të kualifikohemi në Ligën e Kampionëve."
