Mund të pini sa doni, ky është bari ku nuk shiten pije për gotë por për orë

Nëse do të inkurajosh njerëzit që të pinë për qejf pa e vrarë shumë mendjen për paratë që po harxhojnë atëherë mund të ofrosh pije për orë në vend të pije për gotë.

Pikërisht këtë metodë ka zgjedhur që të zbatojë një bar në Missouri.

Kjo është një ide disi kontroverse, por për të gjithë ata që duan të pinë dhe mos harxhojnë shumë para, ky është vendi i duhur.

Bari, i cili mban emrin Open Concept, është hapur në South City, Shën Louis të premten më 4 tetor. Ideja pas kësaj praktike është pak a shumë e njëjtë me atë që quhet 'open bar'.

Konkretisht, në vend që të paguani për çdo pije që pini, tek Open Concept ju do të pagueni në bazë të orëve, gjatë të cilëve vizitorët mund të pinë sa të duan.

Konsumatorët e këtij bari paguajnë 10 dollarë për pijet premium dhe 20 dollarë në orë për pijet më të larta të raftit.

Në uebsajtin e këtij bari shkruhet:

Tek Open Concept të gjitha pijet i kemi ne, edhe pse ju duhet të paguani në orë për të aksesuar hapësirën tonë. Në barin tonë ne nuk shesim pije, ne shesim kohën."

Me pak fjalë për 10 dollarë ju mund të pini sa pije të përballoni brenda një ore, ose edhe më shumë.

Burimi:UNILAD|Përktheu dhe Përshtati: JOQ Albania