Një dhëndër nga Teksasi është vënë në pranga pasi grabiti një bankë vetëm një ditë përpara se të martohej.
Si duket, dhëndri në hall e kishte kryer grabiten për të paguar për unazën si dhe ceremoninë.
Heath Edward Bumpous, e bëri grabitjen të premten rreth orës 11.30 të paradites me orën lokale, ndërsa i tha punonjësit që kishte armë me vete dhe mund ta qëllonte nëse nuk i jepte paratë.
Më pas ai i kishte shpjeguar punonjësit se do të martohej ditën tjetër dhe se i duheshin paratë për të mbuluar shpenzimet. Sipas policisë, pas grabitjes, Bumpous i hodhi rrobat që kishte veshur nga dritarja e makinës ndërkohë që ishte në lëvizje.
Pas vjedhjes, policia shpërndau pamje të marra nga kamerat e sigurisë në bankë në Facebook dhe pikërisht nga ajo video partnerja e kuptoi se grabitësi kishte qenë në fakt i fejuari i saj.
Dione i kërkoi që të dorëzohej tek autoritetet, ai ra dakord dhe shkoi vetë dhe e rrëfeu atë që kishte bërë.
Pas prishjes së planeve, nuk dihet ende se kur do të martohet si përfundim çifti.
Burimi:Mail Online|Përktheu dhe Përshtati: JOQ Albania