Një nga macet e mëdha më të rralla në botë është fshehur në këtë foto, por është kamufluar aq mirë sa është pothuajse e pamundur që ta dallosh.
Thuhet se kanë mbetur vetëm 102 leopardë Amur(ose leopardë siberianë) që jetojnë në botën e egër, po aftësitë e tyre për t'u kamufluar u japin një avantazh të madh për të mbijetuar edhe pse janë në rrezik zhdukjeje.
Në foton e marrë mes pemëve, vetëm më symprehtët mund ta dallojnë se ku ndodhet grabitqari, pasi gëzofi i tij është tejet i ngjashëm me habitatin që e rrethon.
Habitati i tyre natyral është Siberia dhe këto foto janë shkrepur në tokën e një rezervati natyror që ndodhet në Lindjen e largët të Rusisë.
Kjo zonë është një park që është krijuar nga Kremlini në përpjekje për të ruajtur këtë specie. Fotot që shihni më poshtë janë marrë nga Andrey Troyanov, i cili punon në këtë rezervat.
Në këtë zonë jetojnë 86 felinë të rritur dhe 21 të vegjël, dhe ndërsa leopardët vazhdojnë të jenë ende specie në rrezik zhdukjeje, dy dekada më parë në këtë zonë gjallonin vetëm 30 të rritur për shkak të gjuetisë së pakontrolluar.
Disa prej tyre mund të jenë në kopshte zoologjike rreth e qark botës, por 100 vite më parë, kjo mace e madhe mund të gjendej në gadishullin korean, në disa provinca në Kinë si dhe në zona të Rusisë lindore.
Burimi:LAD BIBLE|Përktheu dhe Përshtati: JOQ Albania